Kontzertuak, plastikoen eta aldaketa klimatikoaren kontrako burrukearen premina azaltzen deutse umeei.
“Eko izaki magikoa da, eta musikearen eta kantuaren bidez aurre egingo deutse itsasoari eragiten deutsien arriskuei. Publikoagaz eta musikariakaz batera, kutsadurearen, itsas ekosistema beteten daben plastikoen eta aldaketa klimatikoaren kontra burruka egiten ikasiko dabe umeek. Horretarako, arazoak eta horreek izan leikiezan konponbideak azalduko dabez artistek. Umorez, kantua, gorputz perkusinoa eta taldelanaz baliatuz, itsasoari laguntzen eta natureagaz harmonian biziten ikasiko dabe kontzertura hurreratzen diranek” dino sinopsiak.