Urri lehenengoaren 2an, martitzena, urteroko zita garrantzitsua izango dabe lemoaztarrek, San Antolin jaia hain zuzen be. Urtero lez, autobusak egongo dira Lemoatx azpiko ermitara igoteko, 10:00etatik 15:00etara eta 17:00etatik 21:00era. Izan be, egun osoko jaia ospatuko dabe bertan Lemoako kuadrillek giro ederrean.
Eguna 12:00etako mezeagaz hasiko da, San Antolin ermitan eta jarraian barauskarria izango dabe hurreratutakoek. Ostean, 13:00etan, Mendieta Herri Kirol taldeko azkolariek erakustaldia egingo dabe jentea baba lapikoak prestatuten dabilen bitartean. Lapikoak 14:00etarako aurkeztu beharko dira. Tripea bete ostean barriz, Joxe Mendizabalek erromeria girotuko dau 16:30etik aurrera.
San Antolin ez da asteon Lemoan ospatuko dan jai bakarra, izan be, zapatuan eta astelehenean Eleizondoko andramarietako ekintzak dagoz programauta.