Bero handia eta aurkari gogorrak izan ebezan Lemoakoak eta bere bikoteak. Lehia estua izan zan, eta galtzen hasi arren, zazpigarren ebaketan parekatu eta irabaztea lortu eben Linazak eta Lopez de Uraldek. “Sensazino onakaz joan ginan baina aurrean bikote gogora geunkan.
Lehenengo ebaketea batera bota genduan. Ostean, eurak aurreratzen hasi ziran eta ebaketa erdiko bentajea hartu eben zazpiagarrena egin arte. Guk gure erritmoa mantenidu egin genduan eta zazpigarrenean parekatu, eta zortzigarrenean aurrea hartu genduan, amaitu arte” azaldu deutso BEGITUri Lemoako kirolariak.
Trontza erakustaldi gitxi
Andrazko bikote bi baino ez ziran egon txapelketan eta Linazak trontzalariek plazetan lekurik ez izateari egozten deutso errua. “Ez daukagu erakustaldi asko egiteko aukerarik eta hori nabaritzen hasita gagoz. Ez badaukazu lekurik plazan, jenteak ez dau herri kirol hori egiten” salatu dau Linazak. Izan be, bere eretxian, trontzeari ez jako emoten daukan garrantzia.
Euskal Herriko Txapelketea izango da hurrengoa, baina oindino ez dakie noz ezta non izango dan.