Lemoako jaietako hasikerea eta txupinazoa eguaztenean, hilak 30, izango bada be, aurreko eguna jaietarako berotuteko aprobetxauko dabe lemoaztarrek. Izan be, 21:30ean herri afaria eta gero, Andoni Ollokiegiren kontzertua egongo dira txosnagunean. Horrezaz gainera, hurrengo egunetarako jardueretarako izen-emotea be egin ahal izango da arrastian.
Txupinazo egunerko Mozorro Lehiaketarako, abuztuak 1eko Playback Txapelketarako eta abuztuaren 2ko Rally Umoristikorako izen-emoteak egongo dira zabalik bihar, hilak 29, txosnagunean, 17:00etatik 18:00etara.