zirkua

Kaleko akrobazia ikuskizunaz gozatuko dabe Lemoan

Asier Abrisketa 2025ko uzt. 10a, 17:26

Trocos Lucos konpainiaren eskutik, Tartana ikuskizuna Kulturguneko plazan egongo da ikusgai barikuan 20:00etan.

Garagarrilaren 11n, barikua, Lemoako Kulturguneko plazan aire zabaleko ikuskizun bereziagaz gozatuteko aukerea egongo da. Zirku garaikidea eta akrobaziak buztartuten dituan Trocos Lucos konpainiak Tartana ikuskizuna taularatuko dau Kulturguneko plazan. Ikuskizuna 20:00etan hasiko da eta sarrerea dobakoa da.

"Altuera akrobatikoaren arriskuaren eta jokoen inozentziaren arteko tensinoak ikuskizun honen erritmoari eta argumentuari eusten deutso. Bidaia honetan, airean hegaz dabilen urpekari batetik, borroka batera joan ahal zara, non arma onena, boten lokarriak ondo lotutea dan"

Hiru akrobata madrildarrak euren furgonetea erabiliko dabe oholtza lez eta baskula korearran egindako akrobazia eta eskuen gaineko orekea erabilita, gorputza eta umorea buztartuten dauzan esperientzia eskainiko dabe. Ikuskizun "ausart eta maila tekniko handikoa" adin guztietarako da aproposa.

Egin zaitez Begitu-lagun!

Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?


Izan zaitez Begitu-lagun!