Jai ugari dagoz Arratian sanpedroak ospatuteko eta Arantzazu, Dima eta Undurragakoakaz batera, Elorria auzo lemoaztarreko auzotarrek be ospatuko dabe jaia. Elorriagako Jai Batzordeak zapaturako, hilak 28, antolatu dau jaietako egitaraua. Egun osoan zehar bilduko da jentea auzoko ermitearen inguruan eta txosnea zein musikea egongo dira.
Egitaratua eguerdian, 12:00etan, hasiko da ermitan mezea entzun eta geroko barauskarriagaz. Gero, 13:15ean, Utxu, Done, Julen eta Manex-ek herri kirol erakustaldia egingo dabe eta arrastian, txapelketetarako txandea helduko da. Igel Txapelketea -14:00etan-, Mus Txapelketea -17:30ean- eta Bolo Txapelketea -20:00etan- jokatuko dira.