Aprilaren 4an, barikua, Zelanda taldea Lemoako Kotxepin Kultur Etxean izango da, zuzeneko emonaldia eskaintzen. Pop-rock musikea egiten dauan talde nafar hau 2021ean sortu zan baina musikari beteranoak batzean ditu, Hesian eta Egurra Ta Kitto talde entzutetsuetatik etorritakoak besteak beste. Kontzertua iluntzean, 20:00etan, hasiko da eta sarrereak sei euroko balioa dauka.
Fran Uriasek eta Ane Bastidak sortu eben Zelanda musika proiektua 2021ean, Egurra Ta Kitto taldean izandako Iñaki Bastidagaz batera. 2023an, aldaketak egon ziran taldean. Zezeilean Ane Bastidak taldea itxi behar izan eban eta Xabi Seko altsasuarrak ordezkatu eban bajuan. María Ereña ahotsean, Lander Anton tekladuan eta ahotsean, eta Mikel Arrieta gitarran be batu ziran taldera.