Lemoako Karabie Gaztetxea martxan manteniduten dauan Harriketarrak Gazte Asanbladak 25 urte bete dauz eta hau ospatuteko hile osoko egitaraua antolatu eta aurrera eroan ostean, badator jai nagusia. Astegoien honetan izango da gaur, hilak 25, hasi eta domeka goizera arte. Gaur arrastian karropoteoa, ekitaldia eta bertso afaria dagoz antolatuta; bai eta gauerako DJ saioa.
Zapaturako barriz, egun osoko egitaraua dago antolatuta. Goizez ekoizleen azokea, umeentzako jolasak eta "marianito pintxadea" dagoz programauta. Arrastian barriz, Xake Mate kuadrillen arteko proba jolasaren finala jokatuko da eta gero, elektrotxarangeak animauko dau poteoa. Gauez barriz, Alarma Morea, Exaixu, Añube eta Katuren kontzertuak hartuko ditu karpako oholtzak. Gero, DJ bik animauko ditue ordu txikiak. Domeka goizeko 08:00retan, Zumba saioagaz amaituko da jaia.
Egitaraua:
Urri bigarrenak 25, barikua
- 18:30ean, txupinazoa.
- 19:00etan, karropoteoa.
- 20:30ean, ekitaldia.
- 21:30ean, bertso afaria: Maider Altuna, Arkaitz Estiballes, Maite Sarasola eta Jon Maia.
- 23:30ean, DJ Pablo Run Together.
Urri bigarrenak 26, zapatua
- 11:30ean, bertako ekoizleen azokea.
- Bitartean, umeentzako jolasak eta marianito pintxadea.
- 15:30ean, Jake Mate finala.
- 18:00etan, Xaukena Elektrotxarangea.
- 21:00etan, kontzertuak: Alarma Morea, Exaixu, Añube eta Katu.
- Gero, DJ Kuku eta Kene.
Urri bigarrenak 27, domekea
- 08:00retan, Zumba.