Lemoako jaiak hasi dira prestaketa prozesuan. Garagarrilaren 26tik 31ra izango dira jaiak eta Jai Batzordea "buru-belarri" dabil lanean. Herritarrei delegautako lanen artean, kartel ofizialaren portadea dago. Hau egiteko martxan ipini dabe kartel lehiaketea eta lan irabazlea izango da egitarauaren portadea.
Lanak bagilaren 3ra arte aurkeztu daitekez udaletxean goizez, 08:00etatik 14:00etara. "Lemoako jaiak 2024" esaldia agertu behar da derrigorrez eta kartelak egilearen sinadura barik aurkeztuko dira. A4 neurrian eta orientazino bertikalean egin behar dira kartelak. Eskuz zein ordenadorez egindako lanak onartuko dira.
Mozorroak
Jai Batzordearen zereginetako bat txupinazo eguneko mozorroen gaia ebaztea izan da. Jakinarazo dabenez, aurtengo gaia kolore beilegia izango da. Holan, lemoaztarrek badaukie disfraza prestatuten hasteko gakoa.
