Lemoako Gaztelekuak antolatuta, hamabi eta hamasei urte bitarteko gazte ugari udalekuetan joango dira Isabara, bagilaren 24tik 28ra. Asolaze kanpinean egingo dabe egonaldia eta egunean ekintza zehatz bat egingo da. Holan, Belarbatzeko urjausia, Ibon kobazuloa eta Arrako trikuharria ezetuko ditue besteak beste. Horrezaz gainera jolasak, kirol ekintzak, gaubelak eta denpora librea be izango ditue gazteek.
Udalekuan 40 gazterentzako plazak dagoz eta izena gehiagok emon ezkero, zozketea egingo da. Formularioaren bitartez izena emoteko atzen eguna maiatzaren 6a da eta egonaldiaren prezioa 30 eurokoa da. Informazino gehiago behar izanez gero, lemoakogaztelekue@gmail.com helbidera idatzi daiteke.