Lemoako Karabie Gaztetxeak 25 urte beteko ditu aurten, urrietan haiz zuzen be. Holan, giroa berotuten hasteko urteurren egunera arte iraungo dauan Jake Mate txapelketea antolatu dabe. Aspaldi antolatuten zan lez, kuadrillen arteko erronka jokoa izango da Jake Mate.
Holan, antolatzaileen erronka desbardinak planteuko ditue datorren hileetan. Kuadrillaka erronka honeek egin eta puntuak pilatuten joatea da helburua. Urrian, 25. urteurreneko jaian jokatuko da Jake Materen finala.
Izen-emotea
Izena emoteko atzen eguna martiaren 18a da, galdetegiaren bitartez egin daiteke hau. Izena emon ostean, eguenera arte egongo da kuadrilla bakotxak taldea aurkezteko bideo bat aurkeztuteko. Ondoren, barikuan jakinarazoko da lehen erronkea, Korrika Lemoatik pasauko dala-ta.