Lemoako Udalak Elizondo Barria proiektuaren inguruan egindako galdeketearen emoitzak argitara emon ditu, 443 lemoaztarrek hartu dabe parte. Batetik, proiektua aurrera atera edo ez galdetu da eta 359k (%81) emon dau baiezkoa. Bestetik, frontoi eredu biren arteko aukeraketea egin da eta B aukerak atera ditu boto gehien, %73 hain zuzen be.
Beraz, Elizondo auzoan frontoi ireki barri bat egingo da, beti zabalik egongo dana. Honen lizitazinorako aurrekontua, 552.172,15 eurokoa izango da eta espero da, zortzi hiletan egitea aurrera proiektuak.