Domekan jokatu da Lemoatx Trail mendi lasterketearen zazpigarren edizinoa, Ganzabal Mendi Taldeak antolatuta. Hamasei eta hogeta lau kilometroko lasterketak jokatu ziran eta horrezaz gainera, lehia bako martxa bi. Holan, eguraldiak lagunduta eta herrian zein mendian, giro bikainagaz egin eban aurrera egunak Lemoan.
Lehiara sartuta, 24K lasterketan 200 korrikalari urten ziran eta arinenak izan ziran Ander Iñarra (02:00:45), Jon Betolaza (02:02:12) eta Jokin Etxabe (02:06:53) gizonen artean; andrazkoetan barriz, Oihana Azkorbebeitia (02:33:39), Oihane Unzalu (02:42:55) eta Zuriñe Frutos (02:58:55).
Lasterketa laburrean ostera, 16K, 220 korrikalarik egin eben. Gizonezkoen artean, Ander Iza (01:28:28), Unai Mintegui (01:30:38) eta Andoni Uzkiano (01:30:42) igon ziran podiumera. Andrazkoen artean ostera, Miren Otzerinjauregi (01:55:11), Itsasne Urkiaga (01:56:59) eta Estitxu Azpitarte (02:02:28) izan ziran garaileak.