Lemoako Karabie Gaztetxeko kideek antolatuta, zapatuan, hilak 30, bizikleta martxa bat urtengo da Karabietik 09:00etan. Igorre eta Dima pasau eta Dimako portutik gora egingo dabe parte-hartzaileek Zumeltzaraino. Gogoratu dabenez, bakotxak bere bizikletea eroan behar dau.
Lapurretea Karabie Gaztetxean
Pasau dan eguen gauean, hilak 21, lapurretea gertatu zan Karabien. Gaztetxeko kide batek BEGITUri azaldu deutsanez, atea apurtu eta barrako dirua zein ordenagailu barri bat eroan ebezan. Horrezaz gain, kutxa gotorra zabalduten be saiatu ziran, baina lortu barik. Gainera, gaztetxeko kideak azaldu dau, ziurrenik lapurrek gaztetxea ezetuten ebela, "ezer bez begitu barik zuzenean kutxa gotorrera" joan ziralako. Oin dala hil batzuk be, martian, beste lapurreta bat sufridu eben, dirua eta alkohol botilak eroan ebezan orduan.