Tallemorietako Jai Batzordeak antolatuta, egun osoko jaia egongo da Tallerreta eta Lemorieta artean oingo zapatuan, hilak 15. Jaia, Atutxetik eguerdian botako dan txupinagaz batera hasiko da, auzotik egingo dan kalejireagaz. Eguerdian, musikea jarraituten helduko dira auzotarrak herri bazkarira. Txartelak Bikandi tabernan lortu daitekez, sei eurotan.
Bazkaldu ostean, Bilbao Anaiak-en erromeriak girotuko dau arrastia eta gainera, Gilda Txapelketea egongo da jokoan. Ez dago araurik gildak egiterako orduan, estiloa librea izango da. Iluntzean ostera, 20:00etan, oilaskoa erreko da eta gauez, Bikandira mobiduko da jaia. Pablo Runtogether dj lemoaztarrak ipiniko dau musikea.