Bihar, urtailak 25, 18:30ean, Nagore Leon eta Itziar Saenzek Itsaspetik azalera, azaletik plazara izeneko ipuin kontaketea egingo dabe Lemoako Kotxepin Kultur Etxean. Kostaldeko herrietako poesia, ipuinak, istorioak eta kantuak batuko ditue kontaketa honetan, andren bizimodu eta bizipenak erakutsiz. Izan be, protagonistak sare joste lanetan dabilzan andra indartsu eta umoretsu bi dira.
Sinopsia
Olatuen joan-etorriak ekarten ditu bizibidea eta heriotzea; poza eta tristurea; maitasuna eta gorrotoa... eta aspaldiko kontu eta kantu zaharrak. Mendeetan zehar kresalak jente-artearen azalean itxitako aztarnak bildu eta plazaratuko ditue kontalariek: askatasun eza, derrigortutako ezkontzak, maitasun ukatuak eta andra izate hutsagaitik ezarritako rol derrigortuak.