Lemoako etxe guztiek Kultura opari bat da txartela jaso dabe. Gabonen atarian jarri dabe martxan kanpainea eta kultura arloa sustatzea dauka helburu. “Kotxepineko bazkide egitearen abantailen barri emotea ez ezik, kulturak herritarrei emoten deuskunari balioa emotea eta kultur industriari merezi dauan garrantzia emotea da”, azaldu dau Saio Elejabarrieta, Lemoako alkateak.
Kultura oparitzea ipini gura izan dabe erdigunean, danontzat opari bat dala azpimarratuz. Kotxepin Kultur Etxeko bazkide izateagaz batera, %30eko deskontua dago kultur ekimenetan.