Urte biko etenaldiaren ostean, zapatu goizean,10:00etatik aurrera, eta arrastian 16:15etik aurrera estadu osoko gaztetxeoen taldeak neurtuko dabez indarrak Arlonagusian. Lemoako Harrobi Futbol Klubak antolatutako VII. txapelketea izango da.
Lemoako Harrobi, Deportivo Alaves, Real Zaragoza, SD Eibar, CD Parquesol, Valencia CF, Arenas Club, Real Sociedad, Real Racing, Real Valladolid, Antiguoko eta Club Atletico Osasuna dira aurtengo txapelketan parte hartuko daben taldeak.
Txapelketa osoa egun bakarrean jokatuten da. Partiduak 20 minutukoak izango dira eta aldi berean bi jokatuko dira, baina finalak 12 minutuko zati bi izaten ditu. Ligaxkako lehenengoa zuzenean pasauko da finalera. Bigarren eta hirugarren geratzen diranen artean barriz, partidua jokatuko da finala nork jokatu ebazteko.