Arratiako Berbalagunek antolatutako ekimenen artean dago Gurasolagun, familiei zuzendutako ekimen berezia. Familia euskaldunak euskera ikasten dabizanakaz alkartuko ditu, holan, guraso eta seme-alabek euskeraz berba egitea eta jolastea bultzatuko da antolatuko diran jolas, tailer eta txangoetan.
Horregaitik, euskera-maila desbardinetako familiek izena emotea bilatzen da, euskaldun osoak besteen bidelagun izateko. Izena emon ostean, talde desbardinak antolatuko dira eta honeek, bere kabuz ebatziko dabez batzeko maiztasuna eta tokia. Ekintza batzuetan dinamizatzaileek be hartuko dabe parte.
Izen emoteko aukerea zezeilaren 15ean amaituko da, Lemoako Udaleko webgunean emon daiteke. Bertako galdetegian zehaztu ahal dira euskera-maila, familia kide kopurua, gelditzeko maiztasuna eta abar.