Kultur Etxeko bazkidetza kanpainea ipini dau martxan Lemoako Udalak 'Kotxepin lagun' eta 'Kotxepin txiki' izenakaz. Kotxepin Kultur Etxeko lagun edo bazkide egiten diranek %30eko deskontua izango dabe 2022an egingo diran emonaldi guztietan.
Bazkidetza www.lemoa.net webgunean egin daiteke. Kotxepin lagun izateko, urteko kuotea 20 eurokoa izango da hamalau urtetik gorako herritarrentzako.
Umeentzako kultur eskaintzea be badagoala kontuan hartuta, umeei be bazkide izateko aukerea emon deutsee, Kotxepin txiki bazkidetzeagaz. Bazkidetza mota hau hamahiru urte arteko gaztetxoentzako dago pentsauta, urtean 10 euro ordaindu beharko dabez.
Programazinoa
Urteko lehenengo hileetako programazinoa be egin da publiko, martiara artekoa. Hilean hiru jarduera egingo dira aretoan; antzerkiak, musikea, literatura eta magia ikuskizunak.
