Urtean 349.823,08 euroko aurrekontua eukiko dau Lemoako Kiroldegiak hurrengo urteetan langileak mantenidu eta ikastaroak antolatuteko. Azken asteko Osoko Bilkuran onartu da esleipen barria.
“Lemoan erabiltzaile gehien dituen zerbitzuetako bat da kiroldegia, erabilera desbardinak dituan eraikina da-eta: Badagoz ikasturtean zehar emoten diran ikastaroak, ugerleku-zerbitzua udan, edo beste erabilera batzuk, kontzertuak, ikuskizunak eta abar egiten diranean”, adierazo dau Saioa Elejabarrieta alkateak.