ROKUPA

Okupazino egunaren hamahirugarren urteurrena ospatuko dau Kiñuk

Ager Barragan

2025ko Rokupa eguneko bazkaria Kiñun

Bihar, hilak 21, izango da Igorreko tabernak musikaz beteko dauzan XIII. Rokupa jaialdia.

Hamahiru urte beteten dira lehenengo gazteak diskoteka eta grabazino estudio izan zaneko Igorreko Garbe auzoko eraikinera sartu, hau okupau eta Kiñu Gaztetxea martxan ipini ebenetik eta urtero lez, okupazinoaren urteurrena ospatuteko Rokupa jaialdia antolatu dabe. 

Eguneko egitaraua:
· 12:00etan, Kiñuko ateak zabaldu, txalaparta tailerra egin eta txalaparta taldea aurkeztuko da. 
· 15:00etan, bazkaria.
· 19:00etan, Tati bakarlari arrigorriagarrak eskainiko dau kontzertu akustikoa Haizea tabernan. 
· 20:30ean, ON rock talde donostiarrak eskainiko dau kontzertua Kukuman.
· 22:00etan, Grapa punk talde bergararraren musikea entzun ahal izango da Axular Herriko Tabernan. Jaiak bertan segiduko dau, DJ Radiopatiogaz.

Egin zaitez Begitu-lagun!

Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?


Izan zaitez Begitu-lagun!