Igorreko Kiñu Gaztetxeko asanbladak atera dau garagarrileko egitaraua eta hileon, eguenero egongo da zer egin. Pasau dan eguenean barbakoa egin eben, sagardaoagaz lagunduta eta gaurko, hilak 9, beste plan berezi bat dakarre. Hasteko, auzolana egingo da 17:00etatik hasita eta behin lanak amaituta, jolasak egingo ditue Errekapen, gaztetxeko beheko aldean, errekearen ondoan. Eguenero moduan, edabe berezi bat be egongo da, oingoan daikiriak; ron zuria, lima zukua eta azukredun koktela.
Garagarrilak 9, eguena
- 17:00etan, auzolana
- 19:30ean, jolasak eta daikiria.
Garagarrilak 16, eguena
- 17:00etan, auzolana
- 19:30ean, karaokea, mural margoketea eta mitxeladea.
Garagarrilak 23, eguena
- 17:00etan, auzolana
- 20:30ean, Bidelapurrak taldearen kontzertua eta ardaoa.