Itxaso Arandia igorreztarra OCR (Obstacle Course Race) oztopo lasterketetan dago mugilduta 2023tik eta maiatzeko atzen astegoienean jokoan egon dan eta espainiar estaduan lehenengoz ospatu dan OCR Europako Txapelketan parte hartu dau. 25 eta 29 urte bitarteko mailan aritu da eta lasterketa estandarrean - 13 kilometroko distantzia, 520 metroko desnibela eta 43 oztopo- hirugarren postua eskuratuteko ametsagaz heldu bazan be, atzenean txapeldun moduan bueltau da Igorrera.
Arandiak BEGITUn adierazo dauan moduan, bere indargunea oztopoak dira eta hori kontuan hartuta planifiketan dauz bere entrenamentuak. Holan, denporaldirako izan dauan helburu nagusia bete bakarrik ez, “espero barik” gainditu be egin dau.