Euskal musika tradizionalari gaurko ikuspuntuagaz janzten dauan Korrontzi musika taldeak oin hamar urte hasi eban Korrontzi Dantzan proiektua, lekuan lekuko jantza taldeakaz alkarlanean. Urteurren biribila dala-ta, Mundua dantzan birea ipini dabe martxan eta egingo diran 50 emonaldien artean, Arantzarte eta Oinkari jantza taldekoakaz egongo dira Igorreko Lasarte Aretoan, maiatzaren 16an 20:00etan.
Emonaldia antolatuteko, Villabonako (Gipuzkoa) Oinkari jantza taldeak sortu dauz Korrontziren abestientzako koreografiak eta gero, bertako jantzariak izan dira koreografiok herriz herri eta taldez talde eroan dabezanak.