Ekitaldian parte hartzean dabenek Errigoraren bidez banatzen diran produktu batzuk probatzeko aukera izango dabe. Dastaketearen helburua da Nafarroa hegoaldeko ekoizleen lana ezagutarazotea eta herritarrei produktu horreek gertutik ezetuteko aukerea emotea.
Ekimen hau Errigoraren kanpainaren barruan antolatu da. Kanpaina horren bidez, Nafarroa hegoaldeko ekoizleen produktuak Euskal Herri osora zabaltzen dira, euskeraz etiketauta eta jatorrizko prezio justuan.
Aurten, gainera, Errigora Korrika 24-ren omendua da, euskerearen alde egiten dauan beharragaitik eta euskalgintzagaz daukan lotureagaitik.
Igorreko hitzordua aukera parebakoa da Errigoraren filosofia ezetuteko eta Nafarroa hegoaldeko produktuak dastatzeko. Gainera, egunotan zabalik dago Errigoraren otzarak eskatzeko epea.