2020ko urtailean, Bartzelonako Olzinelles kaleko okupatutako eraikin bat indarrez hustuteko operazino baten atxilotuak izan ziran Bartzelonako etxebizitza mobimentuko kide bi, salatu dabenez, “muntai polizial baten ondorioz”. Euretako bat bertakoa eta Arratiako herri mobimentuko kidea be bada eta auzipetutakoei lagunduteko, alkartasun jaialdia antolatu da Igorren hilaren 28rako.
Olzinelles Absolució Elkartasun Jaialdia 18:30ean hasiko da, Axular Herriko Tabernan egingo dan etxebizitza sindikatu desbardinen arteko mahai-inguruagaz. Bartzelonako kasua urteteaz gainera, gaur egun gure inguruan dagozan kasuak be aitatuko dira. Mahai-ingurua amaituta, Kiñu Gaztetxean izango dau jarraipena jaialdiak, kontzertuakaz. Konbidautako bandak TOC rock taldea, Borla pop-rock taldea eta arteako Foterie rock taldea izango dira. Amaituteko, Zeberioko DJ Matxinada bikoteak ipiniko dau musikea jaiagaz segiduteko.