Arantzarte Dantza Taldeak 50 urte bete ebazan 2024an eta urteurrena dala-ta, hainbat jarduera antolatu ebazan urte haretan zehar. Maiatzean ospatu zan jaialdi nagusia astegoien oso batean zehar jantza, musika, bazkari, azoka eta herri kirol erakustaldien artean, tartean Gozategiren kontzertua. Bariku haretan, txupinazoa bota eta jantzaldia egin eben Arantzartekoek eta bertan egon ziran kamarak, ekitaldia grabetan. Sortutako bideoa urtailaren 30ean, barikua, proiektauko da Igorreko Lasarte Aretoan, 19:00etan.
Hurrengo egunean barriz, zapatua, Igorreko kiroldegian urteroko Gabonetako emonaldia egingo dabe Arantzarteko jantzariek 18:30etik aurrera. Kittu, Zornotzako taldearen zuzeneko musikeagaz, "jantza tradizionalak eta ez hain tradizionalak" egongo dirala aurreratu dabe Arantzartetik. Adin guztietako jantzariek hartuko dabe parte, 80tik gora. Nagusien taldea, umeak eta ikastaroko adin guztietako jantzariak egongo dira bertan.