Ekimenaren bidez, herriko Lehendakari Agirre 31n jarritako gune baten, bisitariek aukerea izango dabe modu atsegin eta parte-hartzailean ikasteko zer bota behar dan eukiontzi marroira, zein ohitura izan daitekezan egokienak etxean hondakinak sailkatzeko eta ze onura dakarren birziklatze zuzenak ingurumenarentzat zein herriarentzat.
Antolatzaileek azpimarratu dabe hondakin organikoen gaineko bereizketa egokia funtsezkoa dala sortzean dogun zabor kopurua murrizteko eta baliabideak hobeto aprobetxetako. Horregaitik, Azemarroia kanpaineak informazinoa emoteaz gainera, galderen eta dinamiken bidez, herritarren parte-hartzea topetan dau.
Herritar guztiak konbidauta dagoz ekimenera hurbiltzera eta birziklatzeari buruz dakiguna probatzera. Kanpaineari buruzko xehetasun gehiago Bizkaiko Foru Aldundiaren webgunean aurkitu daitekez.