Arriskuan dagozan beste gaztetxe batzukaz hainbat ekitaldi eta barikuan Igorren egindako konzentrazinoaren ostean, bihar, martitzena, erabakiko da Kiñu Gaztetxeak hemendik aurrera hartu beharko dauan bidea eta gaztetxearen etorkizuna Durangoko epaitegian. “Negoziau guran gabiz eta Sabadell bankua presionetan gabiz negoziazino horreek aurrera eroan ahal izateko” adierazo eban Kiñuko asanbladakide batek.
Zezeilaren 6an be, arrastiko 18:00etan, gaztetxea indarrez hustutearen kontrako manifestazinoa egingo da Igorreko Kultur Etxetik hasi eta herri guztian zehar. Ostean, erresistentzia jaialdia egingo da Kiñun bertan, 21:00etatik aurrera.