Pasau dan edizinoan Igorreko Kiñu Gaztetxea bete-beteta egindako edizino arrakastatsuaren ostean, aurten be 2026ko denporaldi musikalari ondoetorria egiteko Urte Barri Oi! ospatuko da. Urtailaren 17an egingo da jaialdia eta aurten konbidautako taldeak Kaos Urbano, Fitoskins, Attürri, No Limits, MadSkins, Nekktar eta Aurrez Aurre dira, kontzertuen ostean egongo dan DJ ChicasBeat-ez gainera. Sarrerak Igorreko Axular Herriko Tabernan dagoz salgai daborduko, 15 eurotan, eta aforoaren erdia baino gehau dau salduta.
Atzen edizino bietan lez, Urte Barri Oi!-k punk-rock eta oi! doinuak dakarz Igorrera. Kaos Urbano talde madrildarra da kartelburua. 1996tik dago taldea martxan eta estadu mailan, punk-oi talde entzutetsuenetarikoa da gaur egun be.
Gainontzeko talde guztiak, euskal herritarrak dira: Algortatik MadSkins, Durangaldetik Nekktar, Iruñatik Attürri, Goierritik Aurrez Aurre, Bergaratik No Limits, Elorriotik Fitoskins eta Arrasate-Bogotatik DJ ChicasBeat. Fitoskins-ek gainera, Urte Barri Oi!-ko lehenengo edizinoa zabaldu eban taldeak, Umiltasuna diskoa aurkeztuko dau Kiñun.