Bizkaiko txirrindulari eskoletako ume eta gaztetxoak Txiki Kopan dagoz murgilduta, neguko ziklo-kros txapelketan. Urri bigarrenean hasi zan txapelketea eta zemendiaren 29an, bosgarren lasterketea izango da Igorren jokatuko dana. Bukatu aurretik, abenduaren 13an Gorlizen jokatuko dabez beste bi. Leire Aurrekoetxea Arratia Ziklista Elkarteko presidenteak BEGITUri aurreratu deutso, kategoria desbardinetako 250 txirrindulari baino gehiagok hartuko dabela parte Igorren eta 33, AZEkoak izango dirala. Bizkaiko Txapelketarako puntuagarria izango da lasterketea eta bertan ebatziko da txapelduna.
Lehenenengo txirrindulariak 14:00etatik aurrera ibiliko dira Olabarriko landetako zirkuituan bueltaka. Nahiz eta Txiki Kopea sei urtetik gorakoek jokatu, aurten, AZEk bost urtekoak be hartu ditu. Ostean, Txiki Kopako lehiak hasiko dira eta haur kategoriakoak izango dira lehenengoak, atzenak, infantilak.