Ane Han taldeak Itzulera(k) EParen aurkezpen kontzertua eskainiko dau Igorreko Lasarte Aretoan, 20:00etan. Ane Han, Ane Goienetxe lemoaztarraren izen artistiko da. Endika Parra eta Unai Santos gitarra-joleak, Amaia Izarzugaza teklistea, Ander Gorostiola bateria-jolea eta Nikita Shemyakin baju-jolea batu dira Anegaz batera, pop-rock estiloko taldea osotutera. Diskoak sei kanta daukaz eta nahiz eta aurkezpen ofiziala zapatu honetakoa izan, Ane Han YouTubeko kanalean badagoz daborduko abestietako batzuk entzungai.
Ane Han-ek, 2022an argitaratu behar eban Gorantz EPa baina grabaketa fasean egoala, auto istripu larri bat izan eban eta bertan behera gelditu zan proiektua. Goienetxek, BEGITUren 458. zenbakian eskainitako alkarrizketan aitatu eban sei kantetako bakotxa istripu osteko emozino esanguratsuetatik dagoela abestuta: "Batzuetan etsipena dago kantuaren oinarrian, beste batzuetan amorrutik sortzean da eta beste batzuetan esperantzatik; uste dot argitasunez betetako kantak dirala".