Igorreko Kultur Etxean, arrastiko 19:00etan hasiko da berbaldia, eta horretarako, EAJ-PNVko Joseba Diez eta Jonatan Moreno Eusko Legebiltzarreko legebiltzarkideak konbidau dabez. Eskualdean zein nazino mailan gazteen arteko buruhauste nagusia etxebizitzaren auzia danez, antolatu dabe saioa. Solasaldiaren ostean, mokautxoa hartu eta poteoa be egingo dabe jeltzale gazteek.
Joseba Diez 2019tik dago legebiltzarrean eta aurretik Asparrenako Udaleko zinegotzia eta Arabako Batzar Nagusietako kidea izan zan, gaur egun Eusko Legebiltzarreko hainbat batzordetan dago. Jonatan Morenok barriz, legebiltzarrean eskarmentu gitxiago badauka be, era zuzenean egiten dau lan, etxebizitzaren auziaren bueltan. Lurralde Plangintza, Etxebizitza eta hiri Agenda Batzordeko kidea da 2024an legebiltzarrera heldu zanetik.