Zapatu honetan Igorreko Lasarte Aretoan iluntzeko 20:30ean Guatemalako Las Poderosas Teatrok Nuestras Migraciones lana antzeztuko dau. Zemendiaren 25a dala-ta, Arratiako herrietan hainbat ekintza antolatu dira indarkeria matxistea ildotzat hartuta. Antzezlan hau be, eskualdeko ekintza bateratuen barruan sartzean da. Las Poderosas Teatro konpainiak, artea erabilten dau eraldaketa sozial bat lortuteko tresna bezala eta ume, gazte eta andren ahalduntze bat lortzea aldera be. Lan honetan, indarkeria matxistea, pobrezia estrukturala, diskriminazinoa, biolentzia sistematikoa, krisi ekologikoa... bezalako gaiak landuten dira zazpi istoria desbardinetan. Horreetan, erdialdeko andra amerikarren esperientzia eta bizipenak kontetan dira, biziten daben dana azaleratuz.