Axular Kultur Elkarteak eta AEKren Arratiako Berbalagun taldeak alkarlanean antolatu dabe Euskal diaspora Argentinan berbaldia. Hau urri bigarrenaren 23an, eguena, egingo da Igorreko Axular Herriko Tabernan, 18:30ean. Hizlaria Martina Larraza Azpiazu izango da, Argentinan jaiotako euskal migratzaileen ondorengoa eta Berbalaguneko kidea. Gai hau ondo landuta dauka Larrazak, izan be, bere Universidad Nacional de La Platako gradu amaieran Diasporaren turismoa: argentinar jantzari gazteen bidaiak Euskal Herrira tesia aurkeztu eban.
Berbaldian hainbat galderari erantzuten saiatuko da Martina Larraza. Diaspora bat zer dan eta Argentinan euskal diasporea zelangoa izan zan; euskal etxeak zelan sortu ziran, zer diran eta zein lan egiten daben; eta Euskal Herritik hain urrun dagozan Argentinako euskaldunek zer egiten daben azalduko dau.