Urri bigarrenaren 18an, zapatua, egongo da Antxo ta Pantxa pailazo bikotearen Eman bizia ikuskizuna ikusteko atzen aukerea. Zemendian lan barri bat estreinauko dabe pailazoek eta urte biko ibilbidearen ostean, transplante eta ospitaleen gaia jorratuten dauan Eman bizia-ren atzen emonaldia Lasarte Aretoan egingo da, 17:00etan.
Pantxo pailazoa, Iker Urtiaga dimoztarra, bere familiaren bizipenean oinarritu zan obrea egiteko, izan be, Euskal Herriko lehen gibel-transplanteetako bat izan zan: "Ez neban amaitu gura edozein lekutan, guretzat berezia dan leku baten amaitu gura neban". Holan, hasi zan lekuan, Igorren amaituko da ikuskizunaren ibilbidea.
Sinopsia
Antxo ta Pantxa ospitalera joan dira; Antxo transplante baten zain dago, eta bien artean gaiari heltzean deutsie jolas, magia eta barre artean. Murrizketak, euskerea, aniztasuna eta gizatasuna be lantzean dauz.