Urri bigarrenaren 12an, domekea, egingo da Garbeko Azokearen berrogeta bosgarren edizinoa. Inguruko ekoizle eta artisauen postuak 10:00etan zabalduko dira eta besteak beste ortuariak, gaztaiak, ogiak, pastelak eta konserbak erosi ahal izango dira. Horrezaz gainera, merkadu goiza animetako hainbat jarduera programau dira.
Goizeko 11:00etan, Laguntasuna Erraldoien Konpartsako erraldoiek kalejire egingo dabe herritik, udaletxeko plazatik hasita azoka eremura arte. Gero, erraldoiak bertan egongo dira jenteak hurbiletik ikusi dagiazan. Eguerdiko 12:15ean barriz, azkolari erakustaldia egongo da Garben. Julen Mendieta lemoaztarrak, Xabier Garcia "Utxu" dimoztarrak eta Zornotzako Manex Izagirre zein Done Intxaustik hartuko dabe parte erakustaldian.