Urri bigarrenaren 4an, zapatua, Euskal Herriko Pegatineroen Elkarteak urtero antolatuten dauan topaketea egingo dau Igorreko Kiñu Gaztetxean. Hogeta hirugarren edizinoa izango da Kiñukoa eta bertan bildumagileak, zaleak zein ikusgurea dabenak batuko dira euren pegatinak eroan eta besteenak ikusteko. Gainera, pegatinen trukeak egiteko aukerea be izango da zapatukoa.
Topaketea eta pegatinak ikusi eta trukatuteko aukerea 11:00etan zabalduko da. Euskal Herrian mobimentu sozial eta politiko desbardinek pegatinak egiteko kultura handia izan dabe atzen hamarkadetan eta mota horretako eranskarriak izaten dira nagusi topaketan. Ha-ta guztiz be, ziur musika taldeen eta bestelango alkarte batzuen pegatinak be egongo dirala, besteak beste.
Topaketea goizean zehar egingo da eta 14:30ean bazkaria egingo da. Honetarako lekua pegatinatopaketa@gmail.com helbidera idatzita egin daiteke. Menu beganoa be badago aukeran eta hau zehaztu behar da mezuan.