Epaiketaz epaiketa dabil Igorreko Kiñu Gaztetxea; hilaren 15ean izan behar zana 2026ko urtailaren 27ra atzeratu da atzenean. Holan, luzetuten dabil asanbladearen eta Sabadell Banketxearen arteko burrukea. Epaiketea atzeratuta, Igorreko gazteek ziurtatuta daukie gaztetxea erabili ahal izateko denpora gehiago eta bidean zer egin eta epaiketa osteko erresistentzia antolatuten hasteko, indarrak neurtzeako beharrizana dauka gazte asanbladeak. Holan, asanblada irekia egingo da gaur 18:00etan eta gero, tabernea zabalik, jatekoa eta musikea egongo da.
Asanblada irekian hainbat gai landuko dira. Hasteko gaztetxeak atzenaldian daukazan erronken inguruan egingo dabe berba: epaiketea, husteko arriskua eta abar. Bestetik, asanbladak oingo kursorako daukan plana eta proiektu barriak azalduko ditu eta horrezaz gainera, hurbilduten diranak proposamen barriak egiteko aukerea izango dabe. Atzenik, gaztetxeak daukazan espazio ugarietatik bisita gidatua be egingo da.