Aurten be, igaz lez, Urbieta zelaiak Igorre Sariaren hogeta hamazazpigarren edizinoa hartuko dau abuztuaren 23an, zapatua. Txapelketea egun bakarrean jokatuko dan triangelukatua izango da, gizonezkoen Arratia A, Erandio eta Abanto taldeen artean.
Lehen partidua 17:00etan izango da eta etxeko taldeak eta Erandiok jokatuko dabe alkarren
kontra. Partiduak 45 minutukoak izango dira. Bigarrena, 18:00etan jokatuko dana, Erandiok jokatuko dau Abantoren kontra eta 19:00etakoa Arratiak eta Abantok jokatuko dabe.
20:00etan sari banaketea izango da eta talde irabazleari txapela jantzi eta jokalari onenari saria emongo jako.
Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?