Arratiako Euskera Taldea gazte arratiarren artean euskeraz arituteko ohiturearen galerearen arduratik sortu barri dan taldea da. Maiatzaren 10ean egin zan talde eragilearen aurkezpena Areatzako Laminetxe Gaztetxean eta helburu nagusi lez, gazteen artean euskerearen erabilereari bultzadea emotea dauka. Holan, honetan eragiteko ekintza eta lanketak antolatuko ditue.
Barikuan, maiatzak 30, lehenengoz urtengo da Arratiako Euskera Taldea kalera antolatu dan bertso-poteoagaz. Igorreko tabernetatik zehar, bertso artean egingo dabe poteoa 19:30etik aurrera. Enara Gallastegi, Iradi Barrenetxea, Aiala Irurtia eta Ekhi Zuluaga gazte arratiar bertsolariek girotuko dabe iluntzea, Malen Bilbaok jarritako gaiei jarraituta.