Arratia Futbol Taldeak aurten be antolatu dau Udako Futbol Kanpusa. Bagilaren 23, 24, 25, 26 eta 27an, 09:30etik 14:00etara, Urbietan futbolean jokatu eta beste ekintza batzuk egiteko aukerea izango dabe 2013 eta 2020 urte bitartean jaiotakoek, biak barne. Futbol entrenamendu eta partiduez gainera jolasak, ginkanak eta urtekerak egingo ditue parte hartzaileek, besteak beste.
Parte hartzaile bakotxak 100 euro ordaindu beharko ditu eta horregaz eguneko armozua eta kamiseta bat hartuko ditu. Parte hartzeako 747 452 538 edo 94 631 57 04 telefonora deitu edo cdarratia@cdarratia.com helbidera idatzi behar da. Kanpusak aurrera egiteko gitxieneko partaidetza bat egon behar da.