Igorreko Udalak ahobetez onartu dau Hiri Antolamendurako Plan Orokor (HAPO) barriaren Hasikerako Onarpen dokumentua eta april hasikeran, plana herritarrei aurkeztuteko tartea zabaldu zan. Plana laburtuten dauan erakusketea ipini da ikusgai Igorreko Kultur Etxean eta bertan egongo da, urri lehenengoaren 30era arte edozeinek bisitau dagian. Horrezaz gainera, bisita gidatu eta berbaldi zein tailerrak antolatu dira.
Bihar, hilak 7, HAPOa hurbiletik ezetuteko saio bikotxa egingo da Kultur Etxean. Hasteko, erakusketan zehar bisita gidatua egingo da, euskeraz, 17:00etatik aurrera. Bertan, HAPOak kontuan hartzean dauzan gai eta atalak gainetik azalduko ditue eta 18:30etik aurrera, sakontasun gehiagoz jardungo jako planari. Izan be, informazino berbaldia eta gero, partaidetza tailerra egingo da, gitxi gora-behera, 20:00etara arte.
