2020ko garagarrilean hasi eban Sabadell Bankuak Igorreko Kiñu Gaztetxea hustuteko prozesu judiziala eta bost urte geroago, tartean Sabadelleko abogaduak aurkeztu ez ziran epaiketa bat izanda, bihar izango da behin betiko epaiketea.
Pasadan zezeilan, komunikadu baten bitartez azaldu eban egoerea Kiñu Gaztetxeko asanbladeak. Baina asanbladako gazteak ez ziran geldirik geratu eta gaztetxearen 11.urteurrena ospatuteko hainbat ekintza egin dabez aprila guztian zehar. Graffiti tailerrak, Gorbeiara urtekerea, kontzertuak izan dira nagusi azken hilabetean eta hilaren 26an, zapatua, urteurren egun handia ospatuko dabe, armozu, bazkari, manifestazino eta kontzertuakaz.