Arratia BHI institutuko batxilergo bigarren mailako ikasleen laster amaituko dabe ikasturtea eta honegaz batera, institutu garaia. Holan, Literatura Unibersaleko ikasleek hainbat poema aukeratu ditue, euren bizitzako etapa garrantzitsu honeri agurra emoteko. Poema honeekaz errezitaldia eskainiko dabe bihar, aprilak 4, Igorreko Kultur Etxeko Lasarte Aretoan, 18:00etatik aurrera.
Irakurketa desbardinetan, ikasleek agurrak dakarzan alderdien esplorazino artistikoa egingo dabe oholtzak: agur esateak dakarren mina, nostalgia, itxaropena eta askapenaren gainean gogoeta eginaz. “Eszenaratze intimo eta gogoetatsu bategaz, ikasleek publikoagaz konektetea lortuko dabe, agur esatearen edertasuna eta konplexutasuna ospatuten dauan bidaia emozional baten bidez”. Errezitaldi honek, literatura unibersalari gorazarre be egiten deutso.