Areatza, Artea, Dima, Igorre, Lemoa eta Zeanuriko guraso alkarteak bat egin dabe hezkuntzako langileen grebeagaz bat egin eta alkartasuna adierazoteko. Atzen bi asteotan bost greba egun ditue hezkuntza publikoko langileek eta gaur, aprilak 2, greba zikloko atzen jardunaldia izanda, alkarretaratzea deitu dabe eskualdeko guraso alkarteek.
"Gure erantzunkizuna be badalako, familiak be kalidadezko hezkuntza publikoaren alde!" mezuagaz egin dabe gaur Igorren egingo kontzentrazinoaren deialdia. Hitzordua 19:00etan da, Igorreko sarreran, BM supermerkaduaren atean hain zuzen be. Bertan, hezkuntzako langileen aldarrikapenak defendiduko ditue gurasoek: "Gurasook, irakasleakaz batera, lehen lerroan jartzeko hautua egin dogu, gure seme-alaben eskubideak eta guztion etorkizuna dagoz jokoan!".