Igorreko Udalak ahobetez onartu dau Hiri Antolamendurako Plan Orokor (HAPO) barriaren Hasikerako Onarpen dokumentua eta oin, plana herritarrei aurkeztuteko tartea zabaldu da. Plana laburtuten dauan erakusketea ipini da ikusgai Igorreko Kultur Etxean eta bertan egongo da, urri lehenengoaren 30era arte edozeinek bisitau dagian.
Erakusketeaz gainera, hau aurkeztuteko saioak be antolatu dira. Batetik, bisita gidatuak egingo dira erakusketan. Gaur, aprilak 2, 17:00etan euskeraz egingo da bisita gidatua eta ondoren, 18:00etan, gazteleraz. Euskeraz egingo dan bigarren bisita gidatua maiatzaren 7an egingo da, 17:00etan eta gazteleraz, bigarren saio bat egingo da maiatzaren 15ean, 17:00etan.
Bestetik, informazino-berbaldiak eta partaidetza tailerrak be eroango dira aurrera aprila eta maiatza bitartean. Aprilaren 9an eta maiatzaren 7an, 18:30etik 20:00etara, egingo dira Igorreko HAPOaren puntu orokorren gaineko saioak. Maiatzaren 15ean barriz, ordutegi berean, HAPOan generoa lantzeako saio berezia egingo da.
Igorreko Udalak guztien adostasunarekin onartu du HAPOren Hasierako Onarpen dokumentua.
→ Onespen horren ondoren, dokumentua jendaurrean jarri da, hainbat partaidetza-mekanismorekin, plana herritarrei hurbiltzeko, herritarrek plana aberasteko ekarpenak egin ditzaten. 📄