Zezeilaren 21ean, barikua, Arratiako Musika Eskoleak eta Elorrioko Musika Eskoleak kontzertu bateratua eskainiko dabe Igorreko Kultur Etxeko Lasarte Aretoan, 19:00etatik aurrera. Euskal musika tresnak izango dira emonaldiko protagonista nagusiak. Holan, trikitixa, txistu, txalaparta, pandero eta alboken soinuek girotuko dabe zuzeneko kontzertua, ahots eta jantzakaz lagunduta.
Kontzerturako sarrerak behar dira eta honeek, Arratiako Musika Eskolan eskatu daitekez, 94 631 73 52 telefonora deituta. Halanda be, eguraldiak lagunduten badau sarrera barik be ikusi ahal izango dira musikari gazteak, izan be, kalejirea egingo dabe Kultur Etxearen inguruan.