Europako Ziklo-kros Txapelketan hirugarren egin eban Manu Quintanillak

Igorreko Manu Quintanilla Parente txirrindularia Pontevedran (Galiza) zemendiaren 1ean jokatu zan Europako Ziklo-kros Txapelketan izan zan eta Master 50 kategorian, brontzea eskuratu eban. 60 bat txirrindulari egon ziran 50 eta 54 urte bitarteko mailan eta “atzen bihurrunera arte burrukatu” behar izan eban hirugarren postua lortzeako, 44:12ko denporea eginda.

Txapelduna Jordi  Reñe Bellmunt izan zan 44:07ko denporeagaz eta bigarrena, Danny Sleeckx belgiar txapelduna, 44:10 eginda. Denporek dinoenez, lehia estua bizi izan eben lehenengo hirurek eta edonor izan eitekean lehena. Quintanillak BEGITUri azaldu deutsanez, “urtekeratik egon ginan lehenengo laurak buruz buru eta amaierara arte egon zan dana ebazteko”.

Urrea Karrantzan

Pasau dan astegoienean barriz, Nazinoarteko Karrantzako Ziklo-krosean hartu eban parte Quintanillak, urrezko domina bereganatuta. “Lupetza egoan eta lehenengo bueltak lehen txirrindulari bien atzetik egin nebazan, oinez igon behar zan aldats batean aurreratu eta aldea ateratea lortu neban arte”, azaldu dau Quintanillak.

Karrantzako lasterketea, Espainiako Koparako baliogarria da eta Gijonen lortutako hirugarren postua kontuan izanda, oin bigarren dago Master 50 mailako sailkapen orokorrean. Kopako hurrengo lasterketea Tarancón-en (Madril) jokatuko dau bihar, hilak 16.